ജുമുഅക്കു മുമ്പും ശേഷവുമുള്ള സുന്നത്ത് നിസ്കാരങ്ങൾ
عَنْ أَبِي هُرَيْرَةَ h، عَنِ النَّبِيِّ ﷺ قَالَ: «مَنِ اغْتَسَلَ، ثُمَّ أَتَى الْجُمُعَةَ، فَصَلَّىٰ مَا قُدِّرَ لَهُ. ثُمَّ أَنْصَتَ حَتَّىٰ يَفْرُغَ مِنْ خُطْبَتِهِ. ثُمَّ يُصَلِّيَ مَعَهُ، غُفِرَ لَهُ مَا بَيْنَهُ وَبَيْنَ الْجُمُعَةِ الأُخْرَىٰ، وَفَضْلُ ثَلاَثَةِ أَيَّامٍ».
صحيح؛ (مسلم: 758)
അബൂഹുറൈറ h നിവേദനം: നബി ﷺ പറഞ്ഞു: “ആരെങ്കിലും വെള്ളിയാഴ്ച കുളിച്ച് പള്ളിയിലെത്തുകയും അയാൾക്ക് കഴിയുന്നയത്ര റക്അത്തുകൾ നിസ്കരിക്കുകയും ഇമാം പ്രസംഗം നിർത്തുന്നതുവരെ മൗനം പാലിക്കുകയും പിന്നീട് നിസ്കരിക്കുകയും ചെയ്താൽ ആ വെള്ളിയാഴ്ച മുതൽ അടുത്ത ആഴ്ച വരെയുള്ള അയാളുടെ പാപങ്ങളും അധികമായി മൂന്നു ദിവസങ്ങളിലെ പാപങ്ങളും പൊറുക്കപ്പെടും.”
“ജുമുഅക്കു മുമ്പ് പള്ളിയിൽ എത്തിയവർക്ക് ഇമാം മിമ്പറിൽ കയറുന്നതുവരെയുള്ള സമയത്തിനിടയിൽ എത്രയും സുന്നത്ത് നിസ്കാരങ്ങൾ ആകാവുന്നതാണ്. എന്നാല്, ഇക്കാലത്ത് പലയാളുകളും ചെയ്യുന്നതുപോലെ ജുമുഅക്കു തൊട്ടുമുമ്പുള്ള സുന്നത്ത് നിസ്കാരത്തിന് യാതൊരു തെളിവുമില്ല. ബിലാൽ ബാങ്ക് വിളിച്ചു കഴിഞ്ഞാലുടൻ നബി ﷺ ഖുതുബ ആരംഭിക്കുകയായിരുന്നു പതിവ്. അതിനിടയിൽ ആരും തന്നെ എഴുന്നേറ്റ് രണ്ടു റക്അത്ത് നിസ്കരിച്ചിരുന്നില്ല. ഒരു ബാങ്കു മാത്രമല്ലാതെ മറ്റൊന്നും അന്നുണ്ടായിരുന്നുമില്ല പിന്നെയെപ്പോഴാണ് അവർ സുന്നത്ത് നിസ്കരിച്ചിരുന്നത്?” (സാദുൽ മആദ്: 1/118)
ജുമുഅക്കു ശേഷം രണ്ടോ അതല്ലെങ്കിൽ നാലോ റക്അത്തുകൾ നിസ്കരിക്കാവുന്നതാണ്:
عَنْ أَبِي هُرَيْرَةَ h، قَالَ: قَالَ رَسُولُ اللهِ ﷺ «إذا صلى أحدكم الْجُمُعَةِ فَلْيُصَلِّ بعدها أَرْبَعًا». صحيح؛ (مسلم: 882، أبوداود: 1118)
അബൂഹുറൈറ h നിവേദനം: നബി ﷺ പറഞ്ഞു: “നിങ്ങളിലാരെങ്കിലും ജുമുഅ നിസ്കരിച്ചാൽ അതിനു ശേഷം നാലു റക്അത്തുകൾ (സുന്നത്തു) നിസ്കരിക്കട്ടെ.”
عَنْ عَبْدِ اللهِ بْنِ عُمَرَ. قَالَ: فَكَانَ لاَ يُصَلِّي بَعْدَ الْجُمُعَةِ حَتَّىٰ يَنْصَرِفَ. فَيُصَلِّي رَكْعَتَيْنِ فِي بَيْتِهِ. (متفق عليه؛ مسلم: 822، البخاري: 937)
ഇബ്നു ഉമർ നിവേദനം: “നബി ﷺ ജുമുഅക്കു ശേഷം വീട്ടിൽ വെച്ച് രണ്ടു റക്അല്ലാതെ പള്ളിയിൽ വെച്ച് മറ്റൊന്നും നിസ്കരിക്കാറുണ്ടായിരുന്നില്ല.”



