لا تحْقِرَنَّ من المعرُوفِ شيْئًا ، ولوْ أنْ تلْقَى أخاكَ بوجْهٍ طلْقٍ

                                              ജാബിർ ഇബ്‌നു അബ്ദുല്ല റിപ്പോർട്ട് ചെയ്യുന്നു: അല്ലാഹുവിന്റെ റസൂൽ പറഞ്ഞു:

ഏതൊരു പുണ്യ പ്രവർത്തിയും ദാനമാണ്. നിങ്ങളുടെ സഹോദരനെ പ്രസന്നമായ മുഖത്തോടെ കണ്ടുമുട്ടുന്നത് പോലും ഒരു പുണ്യ കർമ്മമാണ്.  

                                             സുനൻ അൽ-തിർമിദി 1970, സാഹിഹ്

20       വിട്ടു വീഴ്ച മുഖേന ഒരാളുടെയും പദവി  അല്ലാഹു ഉയർത്താതിരുന്നിട്ടില്ല

 ما نَقَصَتْ صَدَقةٌ مِن مالٍ، وما زادَ اللَّهُ عَبْدًا بعَفْوٍ إلَّا عِزًّا، وما تَواضَعَ أحَدٌ للَّهِ إلَّا رَفَعَهُ اللَّهُ

അബൂഹുറൈറ(റ) നിവേദനം: അല്ലാഹുവിന്റെ റസൂൽ(സ) പറഞ്ഞു:

ദാനധർമ്മം മുഖേന സമ്പത്ത് കുറയുന്നില്ല, വിട്ടു വീഴ്ച മുഖേന ഒരാളുടെയും പദവി  അല്ലാഹു ഉയർത്താതിരുന്നിട്ടില്ല. അല്ലാഹുവിന്റെ പ്രീതിക്കു വേണ്ടി വിനയാന്വിതരാകുന്നവരുടെ പദവിയെ  അല്ലാഹു ഉയർത്തുക തന്നെ ചെയ്യും.

സഹീഹ് മുസ്ലിം 2588, സഹിഹ്

         19      ഒരു കാരക്ക ചുള കൊണ്ടെങ്കിലും നരകത്തിൽ നിന്ന് രക്ഷപ്പെടുക

اتَّقوا النَّار ولو بشِقِّ تمرةٍ فإنْ لم تجِدوا فبكلمةٍ طيِّبةٍ 

        അദിയ്  ഇബ്നു ഹാതിം റിപ്പോർട്ട് ചെയ്യുന്നു: അല്ലാഹുവിന്റെ റസൂൽ(സ) പറയുകയുണ്ടായി: ഒരു ഈത്തപ്പഴത്തിന്റെ പകുതി നൽകിയാണെങ്കിലും നിങ്ങൾ നരകാഗ്നിയിൽ നിന്ന് സ്വശരീരങ്ങളെ കാത്തുസൂക്ഷിക്കുക. അതിനും കഴിയുന്നില്ലെങ്കിൽ, ഒരു നല്ല വാക്ക് കൊണ്ടെങ്കിലും നിങ്ങൾ നരകത്തീയിൽ നിന്നു രക്ഷ നേടുക.

സഹിഹ് അൽ-ബുഖാരി 6540, മുത്തഫഖുൻ അലൈഹി

ഹദീസ് 18

നോമ്പെടുക്കുന്നതിനേക്കാളും നിസ്കരിക്കുന്നതിനേക്കാളും, ദാനധർമ്മങ്ങൾ നൽകുന്നതിനേക്കാളും വലിയ പുണ്യം

അബൂദ്ദർദാഅ്(റ) നിവേദനം: അല്ലാഹുവിന്റെ റസൂൽ(സ) പറഞ്ഞു: ഏറെ നോമ്പെടുക്കുന്നതിനേക്കാളും നിസ്കരിക്കുന്നതിനേക്കാളും, ദാനധർമ്മങ്ങൾ നൽകുന്നതിനേക്കാളും നല്ലത് എന്താണെന്ന് ഞാൻ നിങ്ങളെ അറിയിക്കട്ടെ.?

അവർ പറഞ്ഞു, "തീർച്ചയായും!" പ്രവാചകൻ പറഞ്ഞു: പരസ്പരം രഞ്ജിപ്പിലെത്തുന്നത്, നിശ്ചയമായും, ബന്ധങ്ങൾ തകരുന്നത്  വടിക്കുന്ന കത്തി പോലെയാണ്.

                                            സുനൻ അൽ-തിർമിദി 2509: സഹീഹ്